१०९. काजल रातीनं ओढून नेला सये साजन माझा

१०९. काजल रातीनं ओढून नेला सये साजन माझा
जीव ये भरुनी भिजते पापनी कधि रे येशिल राजा ॥धृ.॥

पाऊस येडापिसा जिवाला लावून गेला तात
तुफान आलं सुसाट माजा करुन गेला घात
कातरवेळी करनी जाली हरवून गेला राजा ॥१॥

सुकली फुलांची शेज राया राहिला अर्धा डाव
उधळून जाता खेळवाया श्वासांनी तोडिला ठाव
भुकेली ज्वानी जळते आतुनी ये रे ये एकदा राजा ॥२॥

गीत : सुधीर मोघे
संगीत : पं. हृदयनाथ मंगेशकर
स्वर : आशा भोसले
चित्रपट : हा खेळ सावल्यांचा [१९७६]