९८. टाळ बोले चिपळीला, नाच माझ्या संग
देवाजीच्या दारी आज, रंगला अभंग ॥धृ.॥
दरबारी आले, रंक आणि राव
सारे एकरूप, नाही भेदभाव
नाचु गाऊ सारे, होऊनी नि:संग ॥१॥
जनसेवेपायी, काया झिजवावी
घाव सोसूनिया, मने रिझवावी
ताल देऊनि हा, बोलतो मृदंग ॥२॥
ब्रम्हानंदी देह, बुडूनिया जाई
एक एक खांब, वारकरी होई
कैलासाचा नाथ, झाला पांडुरंग ॥३॥
गीतकार : जगदीश खेबुडकर
संगीतकार : राम कदम
गायक : पं. वसंतराव देशपांडे, पं. भीमसेन जोशी
चित्रपट : भोळी भाबडी (१९७२)
Subscribe to:
Post Comments (Atom)
No comments:
Post a Comment