१७७. पहाटे पहाटे मला जाग आली
तुझी रेशमाची मिठी सैल झाली ॥धृ.॥
मला आठवेना, तुला आठवेना
कशी रात गेली कुणाला कळेना
तरीही नभाला पुरेशी न लाली ॥१॥
गडे हे बहाणे, निमित्ते कशाला ?
असा राहू दे हात, माझा उशाला
मऊ मोकळे केस, हे सोड गाली ! ॥२॥
कसा रामपारी सुटे गार वारा
मला दे उशाशी पुन्हा तू उबारा
अता राहू दे बोलणे, हालचाली ! ॥३॥
तुला आण त्या वेचल्या तारकांची
तुला आण त्या जागणार्या फुलांची
लपेटून घे तू मला भोवताली
गीत :सुरेश भट
संगीत : रवि दाते
स्वर : सुरेश वाडकर
Subscribe to:
Post Comments (Atom)
No comments:
Post a Comment