८५. वाटेवर काटे वेचीत चाललो
वाटले जसा फुलाफुलात चाललो ॥धृ.॥
मिसळुनी मेळ्यात कधी, एक हात धरूनि कधी
आपुलीच साथ कधी करित चाललो ॥१॥
आधिचा प्रसाद घेत, पुढची ऎकीत साद
नादातच शीळ वाजवित चाललो ॥२॥
चुकली तालात चाल, लागला जिवास बोल
ढळलेला तोल सावरीत चाललो ॥३॥
खांद्यावर बाळगिले, ओझे सुखदुखा:चे
फेकुन देऊन अता परत चाललो ॥४॥
गीतकार : कवी अनिल
संगीतकार : यशवंत देव
गायक : पं. वसंतराव देशपांडे.
Subscribe to:
Post Comments (Atom)
No comments:
Post a Comment