९२. भर उन्हात बसली धरुन सावली गुरं

९२. भर उन्हात बसली धरुन सावली गुरं
नाही चिंता त्यांची तिन्हीसांज पातुरं
चला दोघं मिळुनी चढू टेकडीवर
चढता चढता धरा हात की वाट नसे रुंद
जाळीमंदी पिकली करवंद ॥धृ.॥

तुम्ही बालपासून जीवांचं लई मैतर
ही तरूणपणातील बालपणाची लहर
कुणी बघत नाही तो चला गडे लवकर
आंबट गोडी चाखू वाटते पुरवा की थंड
जाळीमंदी पिकली करवंद ॥१॥

मज लाज वाटते सांगायाची धनी
घ्या तुमचं तुम्ही जरा तरी समजुनी
अहो, पाळणा उद्याचा हलतो माझ्या मनी
द-या टेकड्या चला धुंडुया होउनी बेबंद
जाळीमंदी पिकली करवंद ॥२॥

गीतकार : ग. दि. माडगुळकर
संगीतकार : सुधीर फडके
गायक : माणिक दादरकर
चित्रपट : उमज पडेल तर (१९६०)