६७. शोधू मी कुठे, कशी, प्रिया तुला?
प्रीती का देई साद ही मजला? ॥धृ॥
दिसे कुणी मज पुन्हा लपते, ग
घुमते का शीळ इथे ?
पदरी मी भास खुळे जपते, ग
हलले का पान तिथे ?
वारा हा काही सांगतो मजला ? ॥१॥
ओळखीची खूण काही पटते, ग
नच झाली भेट जरी
डोळियांच्या पापणीत मिटते, ग
उमटे जे बिंब उरी
येती या चाहुली कशा मजला ? ॥२॥
गीतकार : शांता शेळके
संगीतकार : अनिल - अरूण
गायक : लता मंगेशकर
चित्रपट : नाव मोठं लक्षण खोटं (१९७०)
Subscribe to:
Post Comments (Atom)
No comments:
Post a Comment