१११. माझिया मना जरा थांब ना
माझिया मना, जरा थांब ना
पाऊली तुझ्या माझिया खुणा
तुझे धावणे अन मला वेदना!!! ॥धृ.॥
माझिया मना, जरा बोल ना
ओळखू कसे मी, हे तुझे ऋतू!
एकटी न मी सोबतीस तू
ओळखू कशा मी तुझ्या भावना!! ॥१॥
माझिया मना, जरा ऐक ना
सांजवेळ ही, तुझे चालणे!
रात्र ही सुनी, तुझे बोलणे
उषःकाल आहे नवी कल्पना!! ॥२॥
गीत : सौमित्र
संगीत : श्रीधर फडके
स्वर : आशा भोसले
Subscribe to:
Post Comments (Atom)
No comments:
Post a Comment