९८. टाळ बोले चिपळीला नाच माझ्या संग

९८. टाळ बोले चिपळीला, नाच माझ्या संग
देवाजीच्या दारी आज, रंगला अभंग ॥धृ.॥

दरबारी आले, रंक आणि राव
सारे एकरूप, नाही भेदभाव
नाचु गाऊ सारे, होऊनी नि:संग ॥१॥

जनसेवेपायी, काया झिजवावी
घाव सोसूनिया, मने रिझवावी
ताल देऊनि हा, बोलतो मृदंग ॥२॥

ब्रम्हानंदी देह, बुडूनिया जाई
एक एक खांब, वारकरी होई
कैलासाचा नाथ, झाला पांडुरंग ॥३॥

गीतकार : जगदीश खेबुडकर
संगीतकार : राम कदम
गायक : पं. वसंतराव देशपांडे, पं. भीमसेन जोशी
चित्रपट : भोळी भाबडी (१९७२)