६६. शोधिसी मानवा, राउळी मंदिरी
नांदतो देव हा, आपुल्या अंतरी ॥धृ.॥
मेघ हे दाटती, कोठुनी अंबरी ?
सूर येती कसे, वाजते बासरी ?
रोमरोमी फुले, तीर्थ हे भूवरी
दूर इंद्रायणी, दूर ती पंढरी ॥१॥
गंध का हासतो, पाकळी सारूनी ?
वाहते निर्झरी, प्रेमसंजीवनी
भोवताली तुला, साद घाली कुणी
खूण घे जाणुनी, रूप हे ईश्वरी ॥२॥
भेटतो देव का, पूजनी अर्चनी ?
पुण्य का लाभते, दान धर्मातुनी ?
शोध रे दिव्यता, आपुल्या जीवणी
आंधळा खेळ हा खेळशी कुठवरी ?
गीतकार : वंदना विटणकर
संगीतकार : श्रीकांत ठाकरे
गायक : महंमद रफी
Subscribe to:
Post Comments (Atom)
No comments:
Post a Comment