प्रिया आज माझी, नसे साथ द्याया
नको धुंद वारे नको चांदण्या या ॥धृ.॥
नको पारिजाता धरा भूषवूं ही
पदांची तिच्या आज चाहूल नाहीं
प्रियेवीण आरास जाईल वायां ॥१॥
फुलें सान झेलूं तरी भार होतो
पुढें वाट साधी तरी तोल जातो
कुणाला कळाव्या मनाच्या व्यथा या ॥२॥
अतां आठवीतां तशा चांदराती
उरे मौक्तिकावीण शिंपाच हातीं
उशाला उभी ती जुनी स्वप्नमाया ॥३॥
न शांती जिवाला न प्राणास धीर
कसा आज कंठांत येईल सूर
उरीं वेदना मात्र जागेल गाया ॥४॥
गायक : सुधीर फडके
गीतकार : यशवंत देव
संगीत : प्रभाकर जोग
Subscribe to:
Post Comments (Atom)
No comments:
Post a Comment