हा माझा मार्ग एकला !
शिणलो तरिही चालणे मला ॥धृ.॥
दिसले सुख तो लपले फिरुनी
उरले नशिबी झुरणे दुरुनी
बघता बघता खेळ संपला ! ॥१॥
सरले रडणे उरले हसणे
भवती रचितो भलती व्यसने
विझवू बघतो जाळ आतला ! ॥२॥
जगतो अजुनी जगणे म्हणुनी
जपतो जखमा हृदयी हसुनी
छळते अजुनी स्वप्न ते मला ! ॥३॥
गायक : सुधीर फडके
गीत : शांता शेळके
संगीत : सुधीर फडके
चित्रपट : हा माझा मार्ग एकला (१९६३)
Subscribe to:
Post Comments (Atom)
No comments:
Post a Comment